Kryeministri i Shqipërisë, Edi Rama, ka reaguar për ngjarjen e mbrëmshme ku një person mbeti i plagosur në zyrën elektorale të Partisë Demokratike në Kavajë.

Rama, në një status në rrjetet sociale është shprehur se kjo ngjarje nuk ka asnjë motiv politik.

Ai ka thënë se autori është militant i PD-së, ndërsa i ka kërkuar Lulzim Bashës të ndahet nga Ilir Meta dhe Sali Berisha.

“Është krejt e qartë që ngjarja e Kavajës s’ka asnjë motiv politik! Autori s’ka asnjë lidhje me PS-në, përkundrazi është militant i PD-së! PD-ja s’ka faj për ngjarjen po për politizimin skandaloz! Lulëzim bëhu burrë, ndahu nga Iliri e Saliu, boll bëre kukullën e të paudhëve pa din e iman”, ka shkruar Rama./ A2 CNN/