![](https://www.epokaere.com/wp-content/uploads/2023/09/IMG_1193-600x360-1.jpeg)
Plumbi qorr e lë të vdekur në dhomën e gjumit
13 shtator 2023
| 08:17
Një 24-vjeçare ka vdekue tragjikisht në Marsejë të Francës pasi një plumb “qorr”, i drejtuar për në një pikë të shpërndarjes së drogës, e goditi në kokë brenda në banesën e saj. Sipas hetuesve, plumbi depërtoi panelin e dritares në dhomën e gjumit të vajzës.
“Ajo u shtrua në spital me një plagë të rëndë në kokë dhe në rrezik për jetën. Ajo vdiq në orët e para të së martës,” tha prokurori i Marsejës, Dominique Laurens.
Të shtënat ndodhën në një zonë pranë një farmacie, e njohur për policinë si pikë e shitjes së drogës, shtoi prokurori në një deklaratë. Marseja është tronditur nga përshkallëzimi i dhunës mes bandave të drogës, duke lënë të paktën 40 të vdekur këtë vit. /A2CNN