Ministri i Kulturës, Rinisë dhe Sporti, Hajrulla Çeku, ka bërë me dije se në Rahovec po zhvillohen me ritëm të shpejtë punimet për ndërtimin e Qendrës për arte, kulturë e inovacion.

“Artistët, të rinjtë, publiku artdashës i qytetit të Rahovecit dhe më gjerë së shpejti do të kenë një hapësirë të dinjitetshme për të krijuar dhe shijuar art e kulturë. Po punojmë me përkushtim për modernizimin e infrastrukturës kulturore në gjithë vendin”, ka shkruar Çeku në “Facebook”.