E ardhmja e Mauricio Pochettinos është e vendosur tashmë. Sipas gazetës “L’Equipe” dhe medieve të tjera franceze, strategu argjentinas do të largohet në fundin e sezonit.

Edhe pse kontrata e tij përfundon në vitin 2023, klubi parisien po punon për ta gjetur pasuesin e tij. Ëndrra e madhe është Zinedine Zidane, i cili mund të jetë trajneri i duhur për t’i udhëhequr yjet e PSG-së drejt një triumfi të mundshëm në Ligën e Kampionëve.

Pak ditë më parë drejtori sportiv Leonardo mohoi një pajtim të mundshëm me strategun francez edhe pse është përfolur shpesh për të.