Trajneri i Chelseat, Mauricio Pochettino ka folur në lidhje me sulmuesin shqiptar, Armando Broja.

Broja u rikthye nga lëndimi dhe arriti të shënonte menjëherë gol në ndeshjen ndaj Fulhamit. E trajneri argjentinas u shpreh se i beson atij.

“Ne i besojmë atij, ai ka potencial të jashtëzakonshëm. Duhet të shohim se si rikuperohet nga lëndimi i madh. Ai është shumë lojtar i talentuar. Ne i besojmë atij, prandaj luajti ndaj Fulhamit. Tani i nevojitet kohë për t’u ndjerë i kompletuar”, u shpreh Pochettino.