DËSHPËRIM

Zotynë

Sa të fortë ishim kur shkruanim në gurë

Sa anemik jemi nën dritat e neoneve

Sa me besë ishim kur patëm shpata në dorë

Sa vëllavrasës u bëmë në udhën e shkronjave

Sa mirë shihnim nga majat e maleve

Sa të verbër jemi pranë llambadarëve

Zotynë

Sa madhështor qemë në vogëlsinë tonë

Sa të vegjël u bëmë me madhështinë tonë

Prishtinë, më 9. XII. 2011

FATI IM

Malli

Shpresën ma mban gjallë

Itakën time nuk e prek dot

Edhe pse erërat vazhdimisht më nxjerrin afër saj

As Penelopa nuk është atje ku duhet të jetë

Telemaku ulok qëndron bri vatrës

Vazhdimisht limane mashtruese kaptoj

Këtë fat paskam

Të ekzistoj

30. XI. 2015