Merr ëndrrat e mia

Kur të mund vetmia

dhe një mall të djeg

merr ëndrrat e mia,

do ta gjesh një shteg!

As nisje as kthim.

Në takimin e shumëpritur

as nisje as kthim,

në shpresën e venitur

riga shiu

nga syri yt, nga syri im.

Syri yt

Syri yt i bukur, syri yt i zi,

nuk sheh më të bukur në një Shqipëri,

Syri yt i bukur, syri yt i kaltër

në valë Adriatiku nis e merr flatër.

Syri yt i bukur, syri yt i kaltër

në valë Adriatiku nis e merr flatër,

Syri yt i bukur, syri yt i zi

nuk sheh më të bukur në një Shqipëri.

Po si s’të putha një herë në buzë

E bukur e ëmbël si ëndërr mëngjesi,

po si s’të preka një herë rreth mesi,

po si s’të putha një herë në buzë

në shpresën e zbehur të bërë tërkuzë?

Po si s’të putha një herë në buzë,

në shpresën e zbehur të bërë tërkuzë?

E bukur e ëmbël si ëndërr mëngjesi,

po si s’të preka një herë rreth mesi.

Në shpresën e zbehur të bërë tërkuzë

si s’të preka një herë rreth mesi?

E bukur, e ëmbël si ëndërr mëngjesi,

po si s’të putha një herë në buzë?

Takimet

Nëse të takoj para agimit

do të t’i dhuroj buzëqeshjet e gëzimit.

Nëse të takoj para mesditës

Do të t’i dhuroj rrezet e dritës.

Nëse të takoj para mbrëmjes

do të t’i dhuroj puthjet e ëndjes.

Shpirtërisht

S’ka rëndësi nëse do të prekemi

në buzë në gjuhë apo në gisht,

me rëndësi të digjemi të dehur

në një ëndërr moszgjimi shpirtërisht.