Megjithëse tashmë i larguar, media spanjolle monitoron nga afër Ronaldon dhe ndikimin e tij në merkato.

Rasti më i fundit është ai i Paul Pogbas, që sipas të përditshmes iberike, “Marca”, ka kërkuar rikthimin në Torino.

Pas dy vitesh të trishta në Manchester United nën urdhrat e Mourinhos, 25-vjeçari ka shprehur dëshirën për t’u “riveshur” bardhezi.

Pas fitores së Botërorit si protagonist, Pogba, me sa duket, ka kuptuar se nuk i përshtatet futbolli i “Djajve të Kuq”.

Operacioni paraqitet shumë i komplikuar, por Juventusi është një klub ku Pogba ka treguar cilësitë e tij më të mira dhe ku do ta kishte për kënaqësi të rikthehej.