Mesfushori i Manchester United, Paul Pogba ka thënë se skuadra e tij duhet të jetë e kujdesshme në ndeshjen ndaj Romës, e cila zhvillohet nesër në mbrëmje në kuadër të Ligës së Evropës.

“Është një sfidë e madhe, herët a vonë duhet të përballeshim me një ekip të shkëlqyeshëm. E kemi nisur Ligën e Evropës me mentalitet fituesi dhe duke menduar të çojmë trofeun në fund. Roma gjithashtu kërkon të fitojë, ata nuk kanë ardhur këtu për t’u argëtuar. Ne duhet të tregojmë se e duam trofeun më shumë se ata”, ka thënë Pogba.