Kontrata e 26-vjeçarit Paul Pogba kushton mbi 150 milionë paund, një shumë që do të trembte çdo klub.

Por ky nuk është rasti i Real Madridit që shpeshherë ka treguar se paratë nuk janë problem. Mediat angleze raportojnë se “galaktikët” kanë filluar kontaktet e në verë pritet të ndodhë transferimi. Real Madridi ka bërë një lëvizje për Paul Pogban, e tashmë ndërmjetësit po diskutojnë një marrëveshje të mundshme për yllin e Manchester Unitedit.

26-vjeçari në mënyrë aktive dëshiron të largohet për “Bernabeu” në verë dhe është një nga objektivat kryesore nga trajneri Zinedine Zidane.