Drejtoria Rajonale e Policisë në Prizren, Sektorët për Komunitetit në stacionet policore në Prizren dhe Dragash, në zbatim të Strategjisë së udhëhequr nga inteligjenca dhe policimi në bashkësi, kanë realizuar aktivitetet e planifikuara, në koordinim me Drejtoritë Komunale të Arsimit në Prizren dhe Dragash, ku kanë mbajtur ligjërata me temën “Dhuna në familje”, me nxënës të shtatë shkollave fillore dhe të mesme të ulëta në Komunën e Prizrenit dhe Dragashit.

“Këto ligjërata në shkolla kanë për qëllim që nxënësit të pajisen me njohuri sa i përket sjelljeve jo shoqërore të shfaqura edhe tek fëmijët, për format dhe llojet e dhunës në familje si dhe mundësinë dhe kontributin që edhe ata mund të japin në parandalimin e kësaj dukurie”, ka njoftuar Policia e Kosovës.

Drejtoria Rajonale e Policisë në Prizren do të vazhdojë me ligjërata të tilla edhe në shkollat tjera në rajonin e Prizrenit.