Policia e Kosovës ka njoftuar se ka arrestuar katёr persona tё dyshuar për ‘mbajtje në pronësi, kontroll ose posedim të paautorizuar të armës’ dhe ‘përdorim i armës apo mjetit tё rrezikshëm’.

“Policia e Kosovës, Stacioni Policor në Istog, me datën 15 gusht 2020 rreth orёs 17:00, ёshtё informuar nga njё qytetar, se nё bjeshkёn (Mokna), janё duke u dёgjuar tё shtёna me armё zjarri. Njësitet Policore tё Stacionit Policor Istog, menjёherё iu kanё përgjigjur rastit, dhe me tё arritur nё vendngjarje në vendin e quajtur (savina voda), në bjeshkёn (Mokna)- Istog, nga zyrtarët policorë fillimisht ёshtё vëzhguar situata, dhe pas njё kohe tё shkurtër kanё dëgjuar tё shtёna nga armёt e zjarrit, Policia menjëherë ka marrё veprimet e duhura nё tri (3) lokacione në distancë prej rreth 100 metra nga njёra tjetra, nё ato lokacione ishin tё vendosura disa “tenda”, aty ishin disa persona dhe automjete”, bëhet me dije në njoftimin e Policisë.

Me tej theksohet se, Policia e Kosovёs nё koordinim tё plotё me Prokurorin e shtetit kanё filluar kontrollimin e tendave, veturave dhe personave qё ishin prezent, nё kёto lokacione, janё gjetur dhe konfiskuar:

• Një (1) pistoletë e tipit M57 me një (1) karikator dhe 24 fishek,

• Një (1) pistoletë e tipit CZ99 me dy (2) karikator dhe 15 fishek,

• Një (1) pushkë automatike e tipit AK47 me dy (2) karikator dhe 92 fishek,

• Një (1) pushkë (karabinë) me një (1) gëzhojë të shkrepur nga pushka e njëjtë

• Një (1) pushkë gjuetie me 14 fishek.

Lidhur me kёtё rast janё arrestuar katёr (4) persona tё dyshuar:

• R.K.  i lindur me  1972  fshati Zubqe- Zubin Potok

• P.Lj  i lindur me   1984  Mitroviё

• G.M. i lindur me  1971   Mitrovicё

• M.U. i lindur me  1993  Zubin Potok.

Tё dyshuarit pas intervistimit nga hetuesit, me urdhër të prokurorit të shtetit iu është caktuar masa e ndalimit policor dhe janë dërguar në mbajtje për 48 orë.