Policia e Kosovës ka bërë me dije se ka arrestuar pesë persona të dyshuar në Ferizaj për “organizim të skemave piramidale dhe bixhoz të paligjshëm”.

“Më 18.09.1019, rreth orës 23:30, Njësiti i Hetimeve të Stacionit Policor në Ferizaj, pas pranimit të informacioneve relevante, me leje të prokurorit kompetent, kanë realizuar një kontroll në një lokal në rrugën ‘Agim Matoshi’ në Ferizaj, ku kanë hasur disa persona të dyshuar duke zhvilluar lojëra të bixhozit të paligjshëm. Menjëherë janë njoftuar dhe koordinuar me njësitet rajonale të policisë për hetimin e krimeve ekonomike dhe korrupsionit në Ferizaj, për të ndërmarrë veprimet tjera sipas ligjit. Pesë (5) persona të dyshuar meshkuj shqiptarë kosovarë janë arrestuar, përfshirë edhe pronari i lokalit me ç’rast është iniciuar rasti për vepër penale ‘organizim i skemave piramidale dhe bixhoz të paligjshëm’”, ka njoftuar policia.

Sipas policisë, të arrestuarit me vendim të prokurorit janë dërguar në mbajtje për 48 orë, për procedura të mëtejme.

/Epoka e re/