Policia e Kosovës ka dhënë detaje lidhur me rastin e djegies së duarve të një shitësi të cigareve në një kafene të Prishtinës.

Në raportin 24 orësh policia ka bërë me dije se ka intervistuar viktimën dhe dy dëshmitarë. “Rr. Fehmi Agani, Prishtinë, 31.10.2020. Raportohet se pas publikimit të një videoje në rrjete sociale, njësiti i hetuesisë ka  intervistuar  viktima mashkull  kosovar dhe dy dëshmitarë. Lidhur me rastin është njoftuar prokurori”, thuhet në raport.

Në pamjet e publikuara në rrjetet sociale cigaraxhiu shihet duke tentuar ta ndalë flakën, ndërsa në sfond dëgjohen pjesëmarrësit duke qeshur me të. Askush nga të pranishmit nuk e ndihmon atë për t’ia shuar flakët.