Policia e Kosovës përmes një njoftimi për media ka bërë thirrje që ngasësit e veturave të kenë kujdes të shtuar gjatë festes së Fitër Bajramit.

Njoftimi i plotë i Policisë:

Qytetarët kosovar festojnë Festën e Fiter Bajramit duke shprehur solidaritetin dhe urimet e ndërsjella përmes vizitave tek të afërmit e tyre me ç’rast rritet edhe numri i pjesëmarrësve në trafikun rrugor. Andaj, me qëllim që këto ditë feste për qytetarët e vendit të kalojnë sa më mirë dhe pa aksidente, Policia e Kosovës bënë thirrje për kujdes të shtuar për të gjithë pjesëmarrësit në trafikun rrugor.

Policia e Kosovës uron që kjo festë të kalojë e qetë dhe pa aksidente!