Policia në shtetin verilindor të Indisë Assam tha të shtunën se ka gjetur një orë të vjedhur që dikur i përkiste legjendës së futbollit argjentinas Diego Maradona.

Shefi i policisë së shtetit Assam, Bhaskar Jyoti Mahanta tha se ora luksoze Hublot e nënshkruar nga Maradona u gjet nga zotërimi i një burri pasi ai u arrestua nga shtëpia e tij në rrethin e Sivasagar, 350 kilometra (217 milje) në lindje të Gauhati, kryeqyteti i shtetit.

Policia tha se burri punonte si roje sigurie në një kompani në Dubai që ruan sendet e atletit legjendar argjentinas.

Ndërsa është bërë e ditur se burri vodhi orën javën e kaluar dhe u kthye në Indi disa ditë më parë, shkruan Marca.

Zyrtari më i lartë i shtetit, Himanta Biswa Sarma, tha se autoritetet do të nisin veprime ligjore kundër këtij burri.

Maradona, 60 vjeç, vdiq vitin e kaluar nga një atak në zemër pas një operacioni në tru.

Ai udhëhoqi Argjentinën drejt një fitoreje në Kupën e Botës 1986 dhe konsiderohet si një nga lojtarët më të mëdhenj të historisë.