Policia e Kosovës ka bërë me dije se ka gjobitur me 150 euro një 49-vjeçare për shkak se e njëjta kishte vozitur në shiritin e kundërt në Ferizaj.

“Drejtoria rajonale e policisë në Ferizaj, ka marr veprimet e duhura policore dhe ka arritur të identifikojë shoferen e cila me automjetin e udhëtarëve shkaktoi kundërvajtje në komunikacion, ndërrim i shiritit qarkullues , në rrugën ” Driton Islami” në Ferizaj. Policia, e ftoi qytetaren me inicialet  F.N (F/K) e moshës 49-vjeçare në stacionin e policisë në Ferizaj dhe ajo në tërësi e pranoi kundërvajtjen e shkaktuar dhe për këtë mori gjobë, sipas ligjit të komunikacionit rrugor”, ka njoftuar policia.

Me këtë rast, Drejtoria rajonale e policisë në Ferizaj ka inkurajuar qytetarët, si në këtë rast, që të njoftojnë policinë, pa hezitim, për kundërvajtjet e ndryshme, që mund të shkaktohen në komunikacionin rrugor.