Policia e Kosovës në një aksion gjatë ditës së mërkurë arrestoi dy malazezë, një serb dhe një shqiptare nën dyshimin për aktivitete kriminale.

Policia e Kosovës në bashkëpunimi me autoritetet e sigurisë së Malit të Zi, ka arritur të mësojnë identitetin e vërtetë të dy të arrestuarve, shtetas malazez të cilët ndërlidhen me grupin e katër personave të arrestuar të mërkuren në Prishtinë.

Rasti është konfirmuar për lajmi.net nga zëdhënësi i Policisë së Kosovës, Daut Hoxha.

“Pas arrestimeve ditë më parë, gjatë një operacioni taktik nga Policia e Kosovës, të dy shtetasve malazezë, një serbi dhe një shqiptareje, dhe bashkëpunimit reciprok intensiv ndërmjet autoriteteve tona dhe atyre malazeze, me qëllim të verifikimeve të ndryshme dhe ndërlidhjeve që janë bërë për rastin e të dyshuarit (M.M), ka rezultuar se tani më kemi nën kontroll edhe dy shtetas tjerë malazezë të cilët ndodhen në burg në vendin tonë, por që kishin përdorur identitet tjetër”, ka thënë Hoxha.

“Policia e Kosovës mbetet e përkushtuar në garantimin e sigurisë së përgjithshme, në luftimin e të gjitha llojeve tëk rimit dhe nuk do t’ia lejojë askujt veprimet apo aktivitetet që bien ndesh me ligjin dhe Kushtetutën e vendit, dhe atë përmes një bashkëpunimi dhe partneriteti të vazhdueshëm edhe me autoritetet tjera ndërkombëtare të sigurisë.

Kujtojmë, se mediat malazeze kanë raportuar mbrëmë se janë arrestuar edhe dy shtetas malazez nga ana e Policisë së Kosovës lidhur me aksionin e natës së 18 korrikut ku u arrestuan 4 persona, dy malazez, në serb dhe një shtetase e Kosovës.

Siç raportojnë media në Mal të Zi, Policia e Kosovës ka arrestuar V.V.(23) dhe I.M. (22) nga Cetinja, të kërkuar përmes Interpolit nga autoritetet në Mal të Zi.

Të mërkurën Njësia Speciale e Kosovë kishte arrestuar dy shtetas malazez, një shtetas serb dhe një kosovare. Prokuroria e Kosovë i akuzon ata për dy vepra penale, armbajtje pa leje dhe posedim e shitje e narkotikeve.

Ndaj tyre Gjykata Themelore e Prishtinë ka shqiptuar masën e arrestit prej 30 ditësh.