Dy vetura janë ndaluar në magjistralen Gjilan-Ferizaj, ku gjatë kontrollit të tyre është vërejtur se brenda ishin katër emigrantë nga India dhe Nepali.

Policia ka njoftuar se dyshohet se të njëjtit e kishin destinacionin në drejtim të Shqipërisë për të vazhduar tutje drejt vendeve të BE-së.

“Më datën e lartcekur dhe lokacionin e lartcekur janë ndalur dy vetura me targa vendore me drejtues meshkuj kosovarë, ku gjatë kontrollit është vërejtur se në veturat e tyre kishin nga 4 pasagjerë/emigrantë nga India dhe Nepali, të cilët dyshohet se e kishin destinacionin në drejtim të Shqipërisë për të vazhduar tutje drejt vendeve të BE-së. Lidhur me rastin, është identifikuar edhe vendi ku dyshohet se kanë qëndruar emigrantët, si dhe janë hasur edhe 6 persona/emigrantë tjerë nga India të cilët nuk kishin asnjë dokument me vete. Lidhur me rastin janë njoftuar njësitë përkatëse të PK-së, me ç’rast emigrantët, dy vozitësit dhe një person tjetër i dyshuar janë dërguar në DRK – Lindje dhe të gjitha veprimet janë ndërmarrë në bashkëpunim me prokurorinë e shtetit nga PTh-Ferizaj”, ka njoftuar policia.