Drejtoria Rajonale e Policisë në Ferizaj ka vazhduar aktivitetet e saj në parandalim të aksidenteve në komunikacion, duke ndërmarrë një aksion të gjerë për t’i kontrolluar shoferët e automjeteve, në rast se drejtojnë automjetet e tyre nën ndikimin e alkoolit.

“Nga data 01.08.20201-11.08.2021, policia ka shqiptuar 38 fletëparaqitje ndaj shoferëve që kanë drejtuar automjetet nën ndikimin e alkoolit, njëkohësisht ndaj këtyre drejtuesve, u janë hequr pikët negative dhe masa mbrojtëse, ndalim drejtimi i automjetit për disa muaj. Vozitja e automjetit nën ndikimin e alkoolit përfshinë një nga rreziqet serioze për sigurinë në komunikacionin rrugor, andaj policia do të vazhdojë me aktivitete të tilla, me masa të shtuara ndëshkuese ndaj të gjithë shkelësve të ligjit të komunikacionit, me të vetmin qëllim ngritjen e nivelit të sigurisë në komunikacion dhe parandalimin e aksidenteve rrugore”, ka njoftuar Policia e Kosovës.

Drejtoria Rajonale e Policisë në Ferizaj ka ftuar qytetarët që të bashkëpunojnë me policinë, për të gjitha kundërvajtjet që shkaktohen në komunikacion.