![](https://www.epokaere.com/wp-content/uploads/2022/04/FB_IMG_1649099711685.jpg)
Policia në Shkabaj sekuestron aparate për prodhimin e kriptovalutave
04 prill 2022
| 21:19
Drejtoria Rajonale e Policisë së Prishtinës, respektivisht hetuesit e stacionit policor të Veriut pas marrjes së informatave në rrugë operative, kanë realizuar një operacion bastisje i cili ka rezultuar me gjetjen e aparaturave për prodhimin e kriptovalutave.
Operacioni është zhvilluar në një lokal në fshatin Shkabaj të Komunës së Prishtinës, me ç’rast janë gjetur dhe sekuestruar katër riga me gjithsej tridhjetë pajisje për prodhimin e kriptovalutave, të cilat ishin të kyçura dhe funksionale.
Përveç njoftimit të zyrtarëve të ATK-së, në vendin e ngjarjes janë ftuar edhe zyrtarët e KEDS-it, si dhe zyrtarët doganorë, për të proceduar më tej me rastin.
Në konsultim me Prokurorin e Shtetit rasti është iniciuar “Prodhim i ndaluar”.