Policia e Kosovës ka njoftuar se gjatë tri ditëve të fundit në rajonin e Prishtinë ka sekuestruar nëntë armë zjarri dhe dy thika.

Me këtë rast, policia ka njoftuar se  dhjetë persona janë shoqëruar në stacion polici.

“Sekuestrimi i armëve është kryer në raste dhe lokacione të ndryshme. Personat e dyshuar pas intervistimit janë proceduar më tej, konform vendimeve të prokurorit të shtetit. Drejtoria Rajonale e Policisë – Prishtinë, konform kompetencave dhe autorizimeve ligjore është e përkushtuar në ruajtjen e sigurisë,  rendit dhe qetësisë publike”, ka njoftuar policia.