Policia e Kosovës, gjegjësisht njësitet e Task Forcës – Lindje në bashkëpunim me Doganën e Kosovës në zbatim të masave për parandalim dhe luftimin e paligjshmërisë dhe kontrabandës, kanë intensifikuar kontrollet taktike dhe operacionale në teren.

Me datë 20.12.23 njësitet e lartcekura pas pranimit të informatës nga burimet relevante se janë duke u sjell mallra të kontrabanduar nga Serbia në Republikën e Kosovës përmes rrugëve ilegale, në fshatin Karaqevë e Epërme-Kamenicë është arritur të identifikohet dhe ndalohet automjeti VW LT furgon ngjyrë e bardhë me targa vendore drejtuar nga dyshuari m/k.

Gjatë kontrollit është vërejtur se i dyshuari kishte pasur të ngarkuara në automjet foli plastike (ambalazh) rreth 1005 kg. për të cilat nuk kishte asnjë dokument.

Sipas mbishkrimeve malli dyshohej se ishte me origjinë nga Serbia (vlera e mallit sipas tregut është mbi 13.000 euro).

Lidhur me rastin të gjitha veprimet janë ndërmarrë në bashkëpunim me Prokurorinë e Shtetit, ku me urdhër të prokurorit kompetent malli i kontrabanduar sekuestrohet dhe dërgohet në terminalin doganor për procedura të mëtejme.