Dje rreth orës 14:00, policia në Prizren ka pranuar një informacion se dy femra, derisa ishin duke shëtitur në Prevallë, duke mos e njohur terrenin kanë rënë në një humnerë rreth 30 metra e thellë.

Sapo është dhënë ky informacion janë angazhuar ekipet profesionale të policisë së Prizrenit dhe së bashku më zjarrfikëset dhe emergjencën janë nisur për në lokacionin edhe pse viktimat nuk e kanë ditur se ku gjenden saktë.

“Rreth orës 16:08 minuta, policia ka arritur të gjeje lokacionin e quajtur ‘Prrojet’ dhe te kontaktoj me personat të cilët ishin në humnerë, ku e kishin të pamundur te dilnin pa ndihmën e policisë. Policia duke u angazhuar në mënyre profesionale, ka arritur të bëjë tërheqjen e viktimave nga humnera e thelle dhe viktimat janë përcjelle për në emergjencën e qytetit të Prizrenit dhe sipas raportit mjekësor njëra nga viktimat ka pësuar lëndim të rëndë në këmbë dhe si pasojë e këtij lëndimi ka frakturë e cila i ka pamundësuar daljen nga humnera”, ka njoftuar Policia e Kosovës në Prizren.

Policia ka falënderuar edhe njësinë e zjarrfikësve dhe emergjencën të cilët kanë vepruar së bashku.

Për këtë ngjarje është njoftuar edhe Prokuroria Themelore në Prizren.