Politikani gjerman, Peter Beyer, ka reaguar pas situatës së krijuar në veri të vendit, teksa ka reaguar edhe për pezullimin e licencës së biznesit ndaj “Klan Kosovës” nga Ministria Industrisë, Ndërmarrësisë dhe Tregtisë (MINT).

Ai ka thënë se situata po vazhdon të përshkallëzohet dhe të mbetet ende e paqartë.

“Ka nevojë për depërshkallëzim të menjëhershëm. Liria e shtypit, e medies dhe shprehjes së lirë duhet të ruhet dhe mbështetet pa kushte”, ka thënë Beyer.

Ai këtë mbështetje të lirisë së mediave e ka kërkuar nga KFOR-i, presidentja Vjosa Osmani, kryeministri Albin Kurti, Ambasada e ShBA-së në Kosovë dhe Ambasada e Gjermanisë në Kosovë.