Gjatë vitit 2024 popullsia e botës u rrit më shumë se 71 milionë njerëz dhe në fund të vitit do të arrijë në 8.09 miliardë, sipas vlerësimit të publikuar nga Byroja e Regjistrimit të SHBA-së.

Rritja prej 0.9 për qind në vitin 2024 përfaqëson një rënie të lehtë nga shkalla e vitit 2023, kur popullsia e botës u rrit me 75 milionë njerëz.

Në janar 2025, 4.2 qenie njerëzore pritet të lindin dhe dy të vdesin në botë çdo sekondë.

Numri i banorëve të SHBA-së u rrit me 2.6 milion njerëz në vitin 2024 dhe do të arrijë në 341 milionë njerëz në ditën e Vitit të Ri, njoftoi Byroja e Regjistrimit.

Janarin e ardhshëm, SHBA pritet të ketë një lindje çdo 9 sekonda dhe një vdekje çdo 9.4 sekonda.

Migrimi do t’i shtojë një person popullatës amerikane çdo 23.2 sekonda.

Kombinimi i lindjeve, vdekjeve dhe migrimit neto ndërkombëtar do të rrisë popullsinë amerikane me një person çdo 21.2 sekonda, shton deklarata.

Gjatë pesë viteve të para të kësaj dekade, popullsia e SHBA u rrit me afro 9.7 milionë njerëz, një normë rritjeje prej 2.9-përqindësh.

Gjatë gjithë dekadës së mëparshme, popullsia e SHBA u rrit me 7.4 për qind, shkalla më e ulët e rritjes që nga vitet 1930.