Bayern Munchen është në kërkim të një portieri për të zëvendësuar Manuel Neuerin, i cili ka humbur pjesën e mbetur të sezonit pas një aksidenti me ski teksa ishte në pushime.

“Bavarezët” nuk po arrijnë te Yann Sommer i Borussia Monchengladbach, ndërsa nga ana tjetër një ndër alternativat e preferuara ishte edhe Alexander Nubel. Ky i fundit është aktualisht pjesë e Monaco në Ligue 1 ku luan si i huazuar pikërisht nga Bayerni.

Por, gjermani refuzon të rikthehet dhe është hatërmbetur ndaj stafit të bavarezëve pasi kurrë nuk iu dhuruan një shans përsa kohë Neuer ishte në gjendjen e duhur fizike. Në këtë formë, për të vendosur “pikat mbi I” mendoi agjenti i Nubel, Stefan Backs i cili u shpreh se nuk ka asnjë shans që i përfaqësuari i tij të rikthehet të Bayern në janar.

“Nuk dua të diskutohet më kjo temë, Nubel nuk kthehet te Bayern. Ai do të luajë me Monaco edhe për pjesën e mbetur të sezonit”, u shpreh Backs.