Të nderuar anëtarë, partnerë dhe bashkëpunëtorë,

Ndërsa po e mbyllim këtë vit të mbushur me përkushtim dhe arritje të rëndësishme, dëshiroj të shpreh falënderimet e mia më të thella për të gjithë ju që keni qenë pjesë e suksesit tonë. Puna e përbashkët gjatë vitit 2024 ka qenë shtylla kryesore që na ka mundësuar të realizojmë projekte të mëdha dhe të avancojmë në zhvillimin ekonomik të Rrafshit të Dukagjinit.

Një nga momentet më domethënëse ka qenë bashkëpunimi i zgjeruar me institucione të ndryshme, përfshirë marrëveshjen që po përgatitet me Burgun e Dubravës, e cila do të krijojë mundësi të reja për përfshirjen e të burgosurve në aktivitete produktive dhe për rritjen e kapaciteteve të biznesit vendor. Kjo iniciativë paraqet një shembull të shkëlqyer të bashkimit të forcave për të krijuar vlera të reja në shoqërinë tonë.

Falë angazhimit të pandalshëm të stafit të, kemi arritur të organizojmë aktivitete të shumta që kanë ndihmuar në promovimin e bizneseve tona, fuqizimin e prodhuesve vendorë dhe krijimin e lidhjeve të reja tregtare. Përkushtimi, profesionalizmi dhe përpjekjet tuaja janë themeli i çdo suksesi që kemi arritur.

Një falënderim i veçantë shkon për ekipin tonë të jashtëzakonshëm, i cili ka qenë krah për krah në çdo sfidë dhe ka dhënë maksimumin për ta bërë këtë vit kaq të suksesshëm. Punën tuaj e vlerësoj thellësisht, dhe shpresoj që edhe në vitin e ardhshëm do të vazhdojmë me të njëjtin përkushtim dhe energji pozitive.

Teksa hyjmë në vitin 2025, e presim me një vizion të qartë dhe ambicie të reja. Do të vazhdojmë të punojmë për fuqizimin e bizneseve, krijimin e mundësive të reja dhe promovimin e zhvillimit të qëndrueshëm ekonomik.

Ju uroj një Vit të Ri të mbushur me shëndet, mbarësi dhe suksese të mëdha, si në jetën personale ashtu edhe në atë profesionale. Faleminderit që jeni pjesë e këtij rrugëtimi të përbashkët! Gëzuar Vitin e Ri!

Me respekt dhe mirënjohje,
Dr.Argjend Fetahu
Kryetari i AKB-së – Zyra e Rrafshit të Dukagjinit