Mes tensioneve në rritje me Tajvanin, Pekini ka treguar sërish forcën teksa ka shkel hapësirën ajrore me 19 avionë luftarakë.

Autoritetet e Tajvanit kanë reaguar menjëherë duke dënuar shkeljet e përsëritura të hapësirës së tij ajrore nga Kina.

10 avionë luftarakë “J-16”, katër “Su-30”, si dhe katër avionë bombardues “H-6” me aftësi për të lëshuar bomba bërthamore, si dhe një aeroplan antinëndetëse kaluan hapësirat ajrore, ka bërë me dije Ministria e Mbrojtjes në Tajvan, raporton “A2news”.

Menjëherë, janë ngritur edhe avionët e Tajvanit të cilët kanë paralajmëruar avionët kinezë që po fluturonin mbi ishujt Pratas të kontrolluar nga Tajvani, ndërsa sistemet raketore monitoruan situatën.