E ngarkuara me punë e ambasadës së Shteteve të Bashkuara të Amerikës në Kosovë, Anu Prattipati, ka pritur të hënën në takim kryetarit e Odës Ekonomike të Kosovës, Lulzim Rafuna.

Ambasada amerikane ka thënë se Prattipati me Rafunën ka zhvilluar “një bisedë të mirë” mbi “forcimin e lidhjeve ekonomike”.

“E ngarkuara me punë Anu Prattipati pati një bisedë të mirë me kryetarin e Odës Ekonomike të Kosovës, Lulzim Rafuna, mbi forcimin e lidhjeve ekonomike. Produktet dhe partneritetet amerikane mbeten zgjedhja e preferuar për bizneset kosovare”, ka shkruar Ambasada e ShBA-së në platformën “X”.