Vdekja tragjike e këngëtarit të famshëm, Liam Payne, vijon të jetë në qendër të vëmendjes

Vdekja tragjike e këngëtarit të famshëm, Liam Payne, vijon të jetë në qendër të vëmendjes. Kësaj radhe është zbuluar shuma që ish-ylli i grupit “One Direction” paguante për shpenzimet e muajit të partneres së tij.

31-vjeçari ishte në një lidhje 2-vjeçare me Kate Cassidy dhe thuhet se shuma shkonte deri në 35 mijë dollarë.

“PageSix” shkruan se këngëtari i jepte të dashurës së tij deri në 10 mijë dollarë në muaj për shpenzimet e jetesës, po ashtu ai i kishte dhënë kartën e kreditit për të blerë rrobat që ajo donte.

Më pas ai paguante rreth 25,000 dollarë për shpenzime të tjera që Cassidy kishte çdo muaj.

Madje, 31-vjeçari e kishte prezantuar me stilisten dhe shoqen e tij të mirë, Adele Kani, shërbimet e së cilës i paguante vetë.

Cassidy filloi të takohej me Payne në fund të vitit 2022 dhe çifti ishte vendosur në një shtëpi në Wellington, Florida, vetëm disa javë përpara vdekjes tragjike të yllit 31-vjeçar më 16 tetor.

Ish-këngëtari i One Direction humbi jetën teksa ra nga ballkoni i hotelit ku po qëndronte, në Argjentinë.