
Premier League, Chelsea fiton derbin londinez dhe i merr vendin e katërt Cityt
04 prill 2025
| 00:43
Chelsea triumfoi mbrëmjen e së enjtes ndaj Tottenham me rezultatin 1-0, në duelin e vlefshëm për javën e 30 të Premier League.
Ishte Enzo Fernandez ai që i dhuroi 3 pikët “Bluve” në derbin e Londrës, shkruan A2.
Argjentinasi arriti të tundte rrjetën në minutën e 50, ndërkohë që dy gola të tjerë në këtë përballje u anuluan nga sistemi VAR.
Falë kësaj fitoreje, skuadra e Enzo Maresca arriti të parakalonte Cityn në renditje, duke i rrëmbyer vendin e katërt skuadrës së Pep Guardiolës.