Në Sarajevë pritet të debatohet për njohjen e Kosovës dhe lëvizjen e Ambasadës së Bosnjës nga Tel Avivi në Jerusalem pas seancës së rregullt së Presidencës që do të mbahet më 17 shtator.

Kështu është vendosur pas konsultimeve që ka mbajtur Presidenca boshnjake sot, raporton “Dnevni Avaz”.

Në këtë takim do të diskutohet kriza e emigranteve në Bosnjë e Hercegovinë dhe situata epidemiologjike atje.

Po ashtu në agjendë do të jetë edhe kërkesa e Miorad Dodik që Bosnja t’i bashkohet iniciativës për minishengenin.

Dodik dje ka kërkuar seancë të jashtëzakonshme që Bosnja të lëviz ambasadën nga Tel Avivi në Jerusalem.

Të njëjtin ditë, anëtari kroat i Presidencës së Bosnjës ka kërkuar një seancë tjetër ku do të shqyrtohet njohja e pavarësisë së Kosovës.