Sot në Shqipëri po mbahen zgjedhjet për zgjedhjen e kryetarëve të rinj të 61 bashkive dhe për përbërjet e reja të këshillave bashkiake.

Presidenti i Republikës së Shqipërisë, Bajram Begaj, i shoqëruar nga Zonja e Parë kanë votuar mëngjesin e sotëm rreth orës 08:55.

Presidenti Begaj ka deklaruar pas votimit se çdo shtetas i Shqipërisë sot ka ditën që të dëgjohet dhe vota e tij të lexohet.

Ai tha se fuqia dhe pushteti i votës së tij të bëjë ndryshimin.

“Çdo shtetas i Republikës së Shqipërisë me të drejtë vote sot ka ditën që të dëgjohet, që vota e tij të lexohet, fuqia dhe pushteti i votës së tij të bëjë ndryshimin. Këto votime nuk janë të partive politike. Janë të qytetarëve dhe duhet t’iu shërbejnë qytetarëve”, ka thënë Begaj.