Presidenti i Hungarisë, Janos Ader zyrtarisht i ka kërkuar kryeministrit Viktor Orban, që të formojë kabinetin e ri qeverisës, pasi partia e Orbanit është shpallur fituese në zgjedhjet parlamentare të mbajtura muajin e kaluar.

Ader ka thënë sot se ai do t’i propozojë deputetëve që ta zgjedhin Orbanin në postin e kryeministrit, kur Parlamenti të mblidhet të martën, për herë të parë që prej mbajtjes së zgjedhjeve parlamentare.

Orbani, i cili do të nisë mandatin e tretë radhazi në postin e kryeministrit, dhe të katërtin në përgjithësi, ka vazhduar të mbajë qëndrimin e tij anti-emigrantëve, që ishte një prej çështjeve kryesore në të cilën është bazuar fushata e tij zgjedhore. Ai ka thënë se detyra kryesore e Qeverisë është që të “mbrojë sigurinë e Hungarisë dhe kulturës së krishterë”.

Partia Fidesz e Orbanit ka bërë koalicion partinë kristian-demokrate, duke arritur një shumicë të fortë në Parlament, që do të mundësonte ndryshimet kushtetuese. (Rel)