Presidenti i skuadrës së Al Nassr nuk i ka shpëtuar pyetjeve në lidhje me portugezin Cristiano Ronaldo.

Javë më parë ishte përfolur për një marrëveshje në mes të palëve në lidhje me transferimin e portugezit në futbollin arab, por diçka e tillë është demantuar nga i pari i klubit nga Katari.

Në një intervistë të dhënë për “SSC Sport”, ai ka thënë se nuk ka biseduar me Ronaldon, pasi ky i fundit ishte i zënë në Kupën e Botës.

Ndër të tjera, ai ka thënë se i dëshiron të gjitha të mirat pesë herë fituesit të “Topit të Artë”, në çfarëdo vendimi që merr.

“Cristiano ishte i zënë kohët e fundit me Kupën e Botës dhe nuk prisja që ai të negocionte me askënd”.

“Ne nuk do të flasim për lojtarë të tjerë, i uroj më të mirat Cristianos me çdo vendim”, ka thënë ai.