Presidenti i Atleticos së Madridit, Enrique Cerezo e ka komentuar formën e mirë që po kalon Joao Felix te Barcelona, ​​ku luan në huazim nga “colchoneros”.

“Ai është lojtari ynë, ne duhet ta mbrojmë, ta ndihmojmë dhe të mendojmë se nëse është mirë, ai është gjithashtu i mirë për ne. Gjithmonë kemi thënë se ai është një lojtar fantastik dhe këtë po e tregon te Barcelona. Nuk u përshtat me ne. Ai është një lojtar i madh te Barcelona. Ndoshta nuk ishte i përgatitur për ne. Nuk funksionoi, nuk tregoi gjithçka që kishte. Shkoi tek Chelsea dhe e njëjta gjë ndodhi. Tani në Barcelonë po shfaqet, lojtarët e mëdhenj përfundojnë gjithmonë duke e bërë këtë”, ka thënë Cerezo, cituar nga shtypi spanjoll.

Joao Felix është në huazim te Barcelona deri në fund të sezonit dhe ka kontratë me Atleticon deri në vitin 2029.