Në konferencën për media që po mbahet në Aeroportin “Adem Jashari”, ka folur edhe presidenti i KOK-ut, Ismet Krasniqi. Ai ka thënë se Kosova u njoh ndërkombëtarisht pas fitoreve të saj në Tokio.

“Kosova me tri medalje te arta. Për mua është kënaqësi e veçantë dhe privilegj t’i prijë një ekipi të tillë që na beri krenarë gjithë shqiptarinë. Kosova në Tokio ka qenë temë e diskutimit nga gjithë bota. Kosovës atje iu shtua një emër: Kosova e artë. Jemi ndierë krenar. Falenderojmë Majlinda Kelmendin që e ka hap derën për sportistet e Kosovës dhe u ka tregu që nëse punojnë mund të arrijnë shumë”, ka thënë ai.