Presidenti i Kroacisë Zoran Milanoviq, ka folur për situatën në veri, pas vendosjes së masës së reciprocitetit të vendosur nga Qeveria e Kosovës, për targat e automjeteve serbe.

Milanoviq në një adresim për media e ka quajtur këtë vendim të drejtë. Duke shtuar se Serbia për 20 vjet ia ka pamundësuar lëvizjen qytetarëve targa të Kosovës.

“Kosova i është përgjigjur me masa reciproke për diçka që Serbia ka qenë duke e bërë për 20 vjet. Nëse nuk mund të shkosh në Serbi me targa të Kosovës, atëherë Kosova aplikon të njëjtat masa për veturat nga Serbia. Kush ka eskaluar këtu”, ka thënë ai.