Presidenti i Maqedonisë së Veriut pritet me ceremoni shtetërore në Prishtinë
15 dhjetor 2021
| 10:44
Presidenti i Maqedonisë së Veriut, Stevo Pendarovski, ka arritur në Prishtinë, ku është pritur me ceremoni të lartë shtetërore nga presidentja e Kosovës, Vjosa Osmani.
Aktualisht presidentja Osmani dhe presidenti Pendarovski kanë zhvilluar një takim, ndërsa pas takimit dy presidentët janë duke mbajtur një konferencë të përbashkët për media.
“Një pritje e ngrohtë me nderime shtetërore dhe ushtarake në sheshin ‘Ibrahim Rugova’ në Prishtinë nga presidentja Vjosa Osmani. Vizita ime zyrtare në Republikën e Kosovës”, ka shkruar në “Facebook” presidenti i Maqedonisë së Veriut.