Presidenti malazez kërkon drejtësi për vrasjet e shqiptarëve të Kosovës në vitin 1999
Presidenti i Malit të Zi, Jakov Milatoviq ka kërkuar drejtësi për gjashtë civilët shqiptarë – në mesin e të cilëve dy fëmijë – u vranë nga forcat ushtarake serbo-jugosllave me 18 prill 1999 në një pjesë të kufirit mes Kosovës dhe Malit të
Zi.
Millatoviq madje ka kërkuar që në vend të ngritet edhe një përmendore në kujtim të viktimave shqiptare.
“Në Kaludjerski laz, një fshat afër kufirit me Kosovën, anëtarët e Ushtrisë Jugosllave, JNA, vranë gjashtë civilë shqiptarë të Kosovës, duke përfshirë dy fëmijë, më 18 prill 1999. Pesë të tjerë u plagosën në sulmin, i cili ndodhi gjatë bombardimeve 78-ditore të NATO-s ndaj Jugosllavisë, që synonte të detyronte presidentin Slobodan Millosheviç të tërhiqte forcat serbe nga Kosova”, raportoi Balkan Insight.
