Si Komandant Suprem i Forcës së Sigurisë së Kosovës, në prag të transformimit në ushtri të rregullt, presidenti i vendit Hashim Thaçi, ka vizituar ushtarët në kazermën “Adem Jashari”.

Ai përmes një postimi në llogarinë e vet në “Facebook”, ka shkruar se rrugëtimi i Forcës së Sigurisë së Kosovës simbolizon ecjen dhe zhvillimin e shtetit tonë.

“Një proces me hapa të gjatë dhe të mundimshëm, por gjithmonë i orientuar drejt arritjes së një qëllimi të qartë, në dobi të qytetarëve të të gjitha komuniteteve në vendin tonë. Për qytetarët dhe institucionet, Forca e Sigurisë de fakto ka qenë gjithmonë Ushtria e Kosovës. Por, nga ky muaj, me mandatin e ri, vajzat dhe djemtë tanë, me dinjitet e krenari edhe do ta mbrojnë Republikën e Kosovës, duke kontribuar gjithnjë në ndërtimin dhe ruajtjen e stabilitetit rajonal dhe më gjerë. Sot, nesër dhe përgjithmonë, Forcën e Sigurisë së Kosovës dhe ushtarët tanë, i tërë populli ynë do t’i shikojë me respekt, me nderim dhe krenari”, ka shkruar Thaçi.

https://www.facebook.com/HashimThaciOfficial/photos/pcb.2340013176069028/2340010222735990/?type=3&__tn__=HH-R&eid=ARC_4jrn6n7kqAPfmxNaNJwRBnu86LJ6oHHcQxgvxQX4qs4IJBY-Lpiws6zDBZ_b0mfY3Uz_YWfelJEv&__xts__%5B0%5D=68.ARCJy-fGpc-KL_ljS1q6t0oaX4i744Cndp0L6y1r23MZjQpL4dnXEZJm0cQyvC8Jx2u8u83iYRSbdF4aRl3WnND4my4n2al1FS_pdW80zuTHMd0IlBUeo_6nAOjWlLo52DmoZaI5aUSgYMl7oSIYC8LQ6UF2Mp4gHnAqmcepbUIiEQBxWhtxmr5bpkR6BjeFOAtGDllw76AVOLauAfiBYzrA3ldcNsAAnsgV36eZogTasJyU_XSloc8-EYX_zs2uUpBm9Xlm0GiUAg5psEEdjhfo4R6u6VoWwJ0nFmpz0WXxuAyy_hupgU_h1SE_bvHk52nvOHXN6QYg3O3iwwzYeCJTKQ

/Epoka e re/