Presidenti i Kosovës, Hashim Thaçi, në 39-vjetorin e rënies ka përkujtuar Nebih dhe Tahir Mehën. “Ata nuk u dorëzuan, por bënë rezistencë deri në fund, duke u bërë simbol i mbrojtjes së pragut të shtëpisë dhe frymëzim për rezistencë të armatosur në kontekstin historik të demonstratave të vitit 1981, me kërkesën themelore për ngritjen e statusit politik të Kosovës në nivel të Republikës”, është shprehur Thaçi. “Emrat dhe veprat e Nebih dhe Tahir Mehës janë përjetësuar në historinë e re të Kosovës”.

Teksti përkujtimor i Thaçit:

Para 39 viteve, babë dhe bir, Nebih dhe Tahir Meha, trashëgimtarë të familjes atdhetare të Emin Latit, në ditën zyrtare të policisë jugosllave, më 13 maj 1981, u rrethuan në kullën e tyre në Prekaz nga njësi të shumta policore.

Ata nuk u dorëzuan, por bënë rezistencë deri në fund, duke u bërë simbol i mbrojtjes së pragut të shtëpisë dhe frymëzim për rezistencë të armatosur në kontekstin historik të demonstratave të vitit 1981, me kërkesën themelore për ngritjen e statusit politik të Kosovës në nivel të Republikës.

Emrat dhe veprat e Nebih dhe Tahir Mehës janë përjetësuar në historinë e re të Kosovës. HTH

(B. D.: “Epoka e re’)