Presidenti i Kosovës, Hashim Thaçi, ka mbajtur sot një konferencë për medie, në të cilën ka folur rreth arrestimit dhe deportimin e shtetasve turq për në Turqi.

Thaçi ka treguar se për këtë rast ka pranuar një raport nga Agjencia e Kosovës për Inteligjencë (AKI) në lidhje me rrethanat dhe procedurat që kanë çuar drejt deportimit të shtetasve turq, raporton “Epoka e re”.

Sipas raportit të AKI-së, arsye e vetme pse këta shtetas janë deportuar nga Kosova është se ata kanë pas informata për veprime të paligjshme, që sipas AKI-së kanë rrezikuar sigurinë kombëtare.

“AKI-ja në mënyrë të detajuar sqaron arsyet qe kanë çuar deri të arrestimi dhe kërkesa për deportimin e shtetasve turq. Arsyeja e vetme ka të bëjë me veprime të paligjshme në Kosovës. Ata kanë qenë të përfshirë në aktivitete që cenojnë sigurinë në Kosovë”, ka thënë presidenti Thaçi.