Presidenti i Kosovës, Hashim Thaçi, gjatë vizitës zyrtare në Nju Jork, në kuadër të punimeve të Asamblesë së Përgjithshme të OKB-së është takuar me presidentin e ShBA-së, Donald Trump.

Presidenti Thaçi së bashku me Zonjën e Parë të Kosovës, Lumnije Thaçin, kanë realizuar edhe një fotografi me presidentin Trump dhe Zonjën e Parë të Amerikës Melania Trump.

Me këtë rast, Thaçi i cili ka postuar foton me Trumpin në llogarinë e vet në “Facebook”, ka shkruar këtë mbishkrim: “Zoti i bekoftë Shtetet e Bashkuara të Amerikës dhe miqësinë e përjetshme ndërmjet popujve tanë”.

Përpos presidentit Trump, Thaçi është takuar edhe me përfaqësues të shteteve të ndryshme të cilët janë duke marrë pjesë në punimet e Asamblesë së Përgjithshme të OKB-së.

Pjesë e delegacionit të Kosovës, janë edhe kryeministri Ramush Haradinaj dhe ministri i Punëve të Jashtme, Behgjet Pacolli.

/Epoka e re/

https://www.facebook.com/HashimThaciOfficial/photos/a.606015099468853/2186465094757171/?type=3&theater