Presidenti i Kosovës, Hashim Thaçi, ka ndarë sot dekorata për ushtaret e UÇK-së, të cilat kanë kontribuar në lirinë dhe pavarësinë e vendit.

Duke vlerësuar lartë rolin e grave, ai ka deklaruar se ato ai kanë shtuar madhështinë e luftës së UÇK-së. “Sot është nja ditë e veçantë për kombin tonë, sot shënojmë ditët e Epopesë së UÇK-së, kujtojmë luftën heroike, madhështore të komandantit legjendar Adem Jashari, familjes së tij. Manifestime që do të vazhdojnë gjatë tri ditëve të ardhshme. Si bashkëluftëtarë dhe si president i vendit vlerësoj lart kontributin e secilit, por madhështinë e ka shtuar, e ka rritur dhe e ka hijeshuar me sakrificën e vet edhe pjesëmarrja e grave, vajzave në UÇK”, ka deklaruar Thaçi.