Presidentja Vjosa Osmani do të dërgojë përfaqësues të saj tek ambasada amerikane, në diskutimin për Asociacionin e Komunave me Shumicë Serbe.

Këtë për Klankosova.tv e ka konfirmuar këshilltari për Media në presidencë, Bekim Kupina.

“Presidentja Osmani do ta dërgojë një përfaqësues të Kabinetit të saj në këtë takim”, thuhet në përgjigjen e Kupinës.

Diskutimi pritet të mbahet më 31 janar, i cili sipas ambasadës, bëhet me qëllim që të avancojë mirëkuptimin e ndërsjellë për përkushtimin ndaj Asociacionit, në mbështetje të dialogut mes Kosovës dhe Serbisë.

Burime të Klankosova.tv brenda partive parlamentare kanë thënë se do të marrin pjesë në këtë diskutim.