Presidentja e Republikës së Kosovës, Vjosa Osmani, ka pranuar një letër nga presidentja e Komisionit Evropian, Ursula Von Der Leyen, e cila ka shkruar se perspektiva kredibile e BE-së për Ballkanin Perëndimor mbetet prioritet i Komisionit Evropian.

Në këtë letër, ajo ka potencuar edhe pritshmëritë për një bashkëpunim në thellimin e marrëdhënieve me BE-në.

Po ashtu, ajo ka theksuar rëndësinë e reformave dhe procesit të dialogut.

Më tutje, Von Der Leyen, ka potencuar rëndësinë e liberalizimit të vizave për qytetarët e Kosovës, duke e konfirmuar angazhimin e Komisionit Evropian për avokim në drejtim të marrjes së një vendimi pozitiv nga ana e BE-së për liberalizimin e vizave për qytetarët e Republikës së Kosovës.