Presidentja e Kosovës, Vjosa Osmani, e ka pritur në takim sot zv/Ndihmës Sekretarin e SHBA’së për Ballkanin Perëndimor, Alexander Kasanof.

Osmani ka thënë se është i nevojshëm dialogu strategjik me SHBA’në “si hap i rëndësishëm në fuqizimin e partneritetit”.

“Në takim u diskutua për forcimin e mëtejshëm të aleancës me Shtetet e Bashkuara të Amerikës, si dhe për rëndësinë e bashkëpunimit të ngushtë për t`i përmbushur synimet e përbashkëta strategjike. Presidentja Osmani shprehu mirënjohjen e saj të thellë për përkrahjen e vazhdueshme të SHBA-ve ndaj Kosovës, duke shtruar nevojën e  dialogut strategjik me SHBA-në, si një hap i rëndësishëm në fuqizimin e partneritetit, kërkesë kjo që ka vite që është përcjellë nga Presidentja Osmani.”, thuhet në njoftimin e ZPRK’së.

Osmani ka folur për rëndësinë e anëtarësimit të Kosovës në NATO.

Presidentja Osmani ka diskutuar edhe për thellimin e bashkëpunimit në fushën e mbrojtjes dhe sigurisë.

“Në takimin me Kasanof, Presidentja Osmani diskutoi edhe për mundësinë e thellimit të bashkëpunimit në fusha të ndryshme me interes të ndërsjellë, siç është fusha e mbrojtjes dhe sigurisë.”

Kjo është vizita e parë e Kasanof në Kosovë.