Një tjetër moment i veçantë ka ndodhur rreth “Big Brother VIP Albania 4”, ku një nga personazhet më të njohur të jetës publike shqiptare, Princ Leka, ka shprehur hapur mbështetje për një prej konkurrentëve të këtij edicioni, Gjestin.

Gjest ka shkaktuar reagime të forta dhe ka tërhequr vëmendjen e publikut, duke e bërë atë një fenomen.

Suksesi i tij nuk është më i kufizuar vetëm në ekran, por gjithashtu ka arritur të kapërcejë kufijtë e “Big Brother” duke fituar zemrat e shumë fansave dhe mbështetësve.

Princ Leka, ka qenë gjithmonë i përfshirë në aktivitete kulturore dhe ndodh që të përdorë rrjetet sociale për të shprehur mendimet e tij dhe përkrahjen për personalitete të ndryshme.

Ai ka ndarë një instastory ku ka shpërndarë hashtagun #megjestin, duke i dhënë mbështetje të gjithanshme Gjestit.

Ky veprim ka tërhequr shumë vëmendje dhe ka bërë që shumë ndjekës të tij të reagojnë pozitivisht, duke e konsideruar këtë si një gjest të rëndësishëm në mbështetje të artistit.